(Profesa Melubo Kokel aliyeweka mkono tumboni akiwa na rafiki zake)
Adeladius Makwega-MWANZA
Mei 27, 2023 Mwanakwetu alikuwa akisafiri kutoka kwake kuelekea
Hifadhi ya Serengeti ambapo haukuwa umbali mrefu sana, akiwa na kundi la watu
wanaokaribia 50, katika safari hiyo ndugu mmoja ambaye alijitambulisha kuwa
yeye ni mzaliwa wa eneo hilo, wazazi wake wakitoka mikoa mingine ya Tanzania na
kwenda kufanya kazi huko, ndugu huyu anadai kuwa alisoma na kupata kazi ya
ualimu kando kando ya Serengeti yenye wanyama wengi, akijinasibu kuwa
anahifahamu vizuri Hifadhi ya Serengeti
Mwalimu huyu alikuwa mtu muhimu sana safarini humo kwa kutoa
maelezo ya kina, kulingana na uzoefu wa maisha yake ndani ya hifadhi hiyo kwa
miaka mingi. Kumbuka kwa pamoja wapo ndani ya basi, huku mwongozaji wa watalii akiwa
msomi aliyesomea mambo hayo akitoa maelezo ya kina na katika utalii ndani ya
hifadhi ya Serengeti.
Mwanakwetu na wenzake wakiipata elimu hiyo kwa kina, safari
inaendelea huku dereva akikata mbuga ambayo ilikuwa na miti michache mikubwa na
vichaka vifupi vifupi.
Walifika sehemu mojawapo palikuwa na kijiji kiichochangamka
mno, basi hilo likasimama na mwongozaji watalii akiwajulisha kuwa kama wanataka
kunywa chai basi wanywe hapo maana bei yake ni nafuu, akiwakumbusha kununua
maji, soda na vitafunwa vingine.
“Jamani kuleni mshibe, wala msiwe na haraka, huko mbugani bei
ya kila kitu ni juu, kwa hiyo kama mnanunua maji, soda na mikate chukueni
haraka.”
Mwalimu mzaliwa wa Serengeti akirudia
tena maneno yaliyosemwa na mwongozaji watalii, hapo walipo bei ya chai ilikuwa
nafuu mno, huku supu ya nyama ya ng’ombe ikiuzwa shilingi 2000/= bei ya
vinywaji kama soda na maji ilikuwa ni ile ile ya maeneo mengine. Kwa hakika
Mwanakwetu alikunywa supu tamu na nzuri katika kijiji hiki ambayo hajakunywa
kwa miaka mingi, akisema wazi kuwa supu hiyo katika jiji la Dodoma ingeweza kuuzwa
hata kati ya shilingi 7,000-15,000.
Watalii makabwela walipomaliza kunywa
chai hiyo nzito waliingia ndani ya basi na kuanza kuitafuta hifadhi hiyo.
Wakiwa njiani Mwanakwetu ambaye nayeye ni mtalii kabwela alimkumbuka msomi
mmoja wa masuala ya haya wa Tanzania, ambaye mpaka sasa anakaribia kufikisha
miaka 30 akihudumu katika nyanja hii hii ya utalii katika kona mbalimbali za
taifa letu, nayeye ni Profesa Melubo Kokel.
Gari lao huku likikata mbuga,
Mwanakwetu alikumbuka mwaka 2005 Profesa Kokel alikuwa miongoni mwa wasomi ya
masuala ya haya walioshiriki kuanzisha na kusomesha kozi ya shahada ya kwanza
ya utalii katika Chuo Kikuu cha Tumaini Iringa akishirikiana na Profesa Mshana.
Huku wakati huo jambo mojawapo ambalo lilisitizwa mno na Profesa Kokel ni ujuzi
wa kila Mtanzania kujitahidi kuwa mshawishi kwa Mtanzania mwenzake kufanya
utalii wa ndani na siyo kungoja tu watalii kutoka ng’ambo. Watanzania wengi wanaweza
kutembelea vivutio vyao vya utalii kama huduma katika vivutio hivyo kuwa rafiki
kwa watalii wazalendo na kupewa hadhi sawa kama watalii wageni, akilini mwa Mwanakwetu
anamkumbuka Profesa Kokel akimueleza maelezo hayo ofisini kake huku Mwanakwetu
akiyanukuu katika shajara yake.Kumbuka Mwanakwetu yu ndani ya basi wanakwenda katika
hifadhi .
“Kwanini tusinywe chai ndani ya hifadhi hiyo? Tuwe tumekaa
katika viti vizuri, huku kila mwenye simu yake akijipiga picha ya kuwalingishia
wenzake baadaye katika mitandao ya kijamii. Sasa tumekunywa chai na supu nzuri
nje ya hifadhi tunahofia gharama.”
(Mbunge wa Malinyi mhe.Antipas Mngungusi)
Mwanakwetu alijisemea moyoni.
Urafiki wa Melubo Kokel na Mwanakwetu
kwa pamoja waliweza kuandika makala nyingi za utalii hapa Tanzania, huku wakijiuliza
namna ya ushiriki kwa Watanzania wengi katika kutembelea mbuga na vivutio hivyo
, Mwanakwetu alimkumbuka mwanachuo mmojawapo Profesa Kolel ambaye alisomeshwa
masuala haya ya utalii ni Antipas Mngungusi aliwahi kuwa mtumishi wa TANAPA
sasa ni mbunge wa CCM Jimbo la Malinyi.
Hivi sasa ni miaka karibu 20 ya
makala hayo lakini bado watalii makabwela wanahofia hifadhi zetu kwa gharama za
huduma zake na Mwanakwetu akiwa miongoni mwao. Safari iliendelea na kufika
ndani ya hifadhi hiyo, Mwanakwetu akiwa mnyonge, hata katika baadhi ya vituo wahudumu
wa mbuga hii hawakuwapokea vizuri, wala hawakuhangaika na watali wazawa. Vijana
wa hifadhi waliowapokea vizuri ni wale wa Uwanja wa Ndege wa Mbugani Soronera
na pale kwenye Media Center tu na hata hapa kwenye media Center ni yule mtoa
maelezo tu, huku kundi la watu 50 lilikuwa kubwa lakini kijana huyu alijituma
vizuri . Wengine waliendelea kufanya mawasiliano yao ya simu na kufanya kazi
zingine.
Watalii makabwela wengi hawakuweza
kununua chochote kile isipokuwa mama mmoja ambaye aliuliza bei ya soda
akiambiwa ni shilingi 2000, naye Mwanakwetu akiwa mzee wa dare for more
alipouliza aliambiwa kuwa soda za kampuni hiyo hawana , hata alipouliza vituo
karibu vitatu, Mwanakwetu hakupata soda za dare for more akisema moyoni kuwa,
“Siku nyingine nikijaliwa kutali kwa ngekewa kama safari hii
nitanunua ile chupa kubwa kubwa ya dare for more, naiweka katika jokofu langu inaganda
hadi iwe barafu alafu naingia nayo katika hifadhi huku nakunywa, maana mbugani
hazipatikani.”
Kumbuka watalii makabwela wanaendelea
na utalii wao huku wakiwaona wanyama wengi, msomaji wangu kumbuka mbugani
hakuna uchoyo wa kuwaona wanyama, uchoyo uliopo ni pa kulala na kula tu, kuona
wanyama ni nguvu ya macho yako.
Wenzake na Mwanakwetu wakawa wanamcheka wakisema sasa ndugu yetu wewe umetupiga picha nyingi, kwa tunavyoona inawezekana sasa tunakaribia kumaliza utalii wetu wewe utakosa picha hata moja hivyo ngoja na wewe tukupige picha. Kweli Mwanakwetu katika picha 1000 alizopiga yeye alikuwemo katika picha tatu tu ambazo zilipigwa katika eneo linafahamika kama Saronera huku chaji ya betri ya kamera yake iliisha.
Saronera palikuwa pamechangamka mno,
Mwanakwetu aliingia katika kampuni moja binafsi iliyokuwa inakatisha tiketi za
ndege na kuwaomba kuchaji betri yake, huku akiwauliza chanzo kikubwa cha nguvu
ya umeme huo katika hifadhi ni nini? Alijibiwa kuwa ni nguvu za jua ambayo gharama
yake ni nafuu sana kuliko kutumia jenereta.
Kwa kando Mwanakwetu aliona jengo
moja zuri lililofahamika kama Kituo cha Habari cha Utalii, alliingia hapo na
kupata taarifa nyingi, likiwa ni jengo zuri lililofunguliwa na Waziri wa Utalii
mhe.Mohammed Mchengerwa Machi 2023. Mwanakwetu akiwa hapo alibaini kuwa chanzo
cha umeme cha jengo hilo jipya kilikuwa ni jenereta ambalo lilikuwa
likiunguruma nyuma ya jengo hilo, akajiuliza- jamani mbona mnatumia jenereta muda
mrefu?
“Hilo ni stand by jenereta, jengo letu lina mitambo ya jua lakini
kuna itilatu imetokea na ndiyo maana tunatumia jenereta hilo.”
Msomaji wangu kumbuka jengo
limefunguli Machi 2023 hadi Mei 27 ambayo inakaribia mwezi mwezi na siku chache
itilafu ya umeme imetokea jenereta linaokoa jahazi.
Mwanakwetu alibaini kuwa
inavyoonekana kuwa chanzo hicho cha umeme wa jua katika jengo hilo kimeharibika
kwa siku kadhaa kwa hiyo jenerata linatumika kwa siku kadhaa pia, akasema
moyoni mbona kampuni binafsi zinatumiwa chanzo cha jua kwa nini chanzo hiki cha
jua cha Chumba Habari za Utalii cha umma kisitengenezwa haraka?Mwanakwetu alikwenda
kuchukua betri yake na kuendelea na safari yao ya kutali ndani ya hifadhi ya
Serengeti.
Walipotoka hapo , yule ndugu mwalimu
aliyezaliwa ndani ya eneo hilo akasema maneno haya
“Mnaziona hizi barabara za mbugani? Zamani zilikuwa nzuri
sana, lakini sasa hali yake si nzuri maana miaka ya nyuma hauwezi kupita
mbugani usikutane na harakati za utengenezaji wa barabara, sasa hilo ni adimu
mno, maana pesa inakusanywa inakwenda hazina, alafu unaomba pesa za kutumia
ndipo wakupatie.”
Kweli hadi wanatoka mbugani saa 12.00
ya jioni hawakuweza kuona utengenezaji wa barabara yoyote japokuwa kwa mtazamo
wa Mwanakwetu barabara zote zilikuwa zinapitika vizuri.
Mwanakwetu siku ya leo anasema nini?
Mwanakwetu anaunga mkono utaratibu wa
kukusanya mapato ya serikali na kwenda hazina na baada ya kukusanya ndipo
matumizi yapangwe nayaombwe kwao. Hilo Mwanakwetu analipigia chapuo na lidumu
milele.
Mwanakwetu anakumbusha TANAPA wafahamu
kuwa chanzo cha gharama nafuu cha nishati ya umeme katika hifadi ni nguvu ya
jua pekee, kama kuna hitilafu yoyote ile kama ile Sorenera itengenezwe mara
moja. Taasisi zote za TANAPA na za umma tujitahidi kuishi kama majumbani mwetu,
hakuna mtu yoyote ambaye anaweza kuliwasha jenerata lake la dharura nyumbani
kwake hata kwa siku tatu mfululizo lazima ataumizwa na gharama za mafuta, moyo
huo uhamishiwe katika mali za umma. Hilo wakaguzi wa ndani wa TANAPA wanapaswa
kuliona mapema kabla ya mkaguzi wa Mkuu wa hesabu za Serikali hajafika kukagua
maana dharura itakiwa ziwe chache.
Gharama za vyakula katika mbuga zetu
ziwe rafiki ilikusaidia watalii makabwela kama akina Mwanakwetu wasiogope kula
vyakula ndani ya mbuga hizo, kukiwa na gharama nafuu hilo litasaidia watalii wengi
kuwa moyo na kutamani kwenda kutalii kila mara, leo akitoka Mikumi kesho
atakwenda Serengeti, siyo tena Mwanakwetu abebe chupa ya soda yake ya dare more
kutoka nyumbani. Hili la chakula ni jepesi tu akina mama jirani na mbuga watengeneze
vikundi vya lishe, TANAPA wawatengenezee boma nadhifu, wapike kwa zamu kipindi
wakati watali ni wachache, watalii wakiwa wengi wapike wote ili makabwela
waweze kula na siyo kushinda na njaa siku nzima katika hifadhi zetu.
Mwanakwetu alipotoka huko akaamua
akusimulie simulizi hii ya uchoyo wa mbugani ambayo ni kulala na chakula siyo
kuona wanyama.Mwanakwetu upo ? Nakutaki siku chema na huu uchoyo wa mbugani.
0717649257
Post a Comment