Adeladius Makwega-MWANZA
Wanachuo wa Chuo Cha Maendeleo ya
Michezo Malya mkoani Mwanza wamefanya utalii wa ndani kwa kutembelea Hifadhi ya
Serengeti nchini Tanzania, Mei 27, 2023 ikiaminika kuwa ni hifadhi pekee yenye
mkusanyiko mkubwa wa wanyama wanaohamahama pamoja na kuna uwepo wa wanyama wengi
jamii ya paka.
Ziara hiyo ilizinduliwa na
wanachuo hao kuona kundi kubwa la swala ambalo mwongozaji wa watalii ambaye
alikuwa mahiri mno kwa kutoa simulizi za wanyama hao alisema,
“Katika makundi ya swala kuna aina
mbili; kundi la swala dume mbabe ambaye huambatana na majike kadhaa ambapo
kundi hilo la swala dume mbabe mmoja hupanda kundi kubwa la majike. Kundi la
pili huwa na swala ambao ni madume pekee
ambayo hawana umiliki wa kundi lolote ambapo kumiliki kundi la majike hao
lazima dume mgeni apigane na dume lenye hadhi hiyo, akishinda anaondoke na majike
maana majike ya swala yanahitaji dume jasiri kwa kuwalinda na kupandisha .”
Safari ya
utalii iliendelea na baada ya mwendo wa dakika tano hivi walikutana na kundi la
swala madume kadhaa ambayo yalikuwa yanakula nyasi yenyewe, yakisubiri na
kuvizia kuvamia kundi la swala dume aliyekuwa anamiliki majike kadhaaa.
Maelezo hayo ya
mpambano wa kumiliki kundi yalithibitiswa na swala dume alionwa na Wanachuo wa Chuo
cha Maendelea ya Michezo, alikuwa na pembe moja ya mkono wakushoto ilikuwa imevunjika
nusu, hilo likionesha kuwa pengine kabla ya kumiliki kundi hilo kulikuwa
mapigano makubwa.
Akifuatilia
hatua kwa hatua ya ziara hiyo Ladislaus Lungunya ambaye ndiye aliyekuwa mratibu
wa ziara hiyo kwa wakurufunzi hao alisema kuwa anashukuru ziara yao inafikia
ukingoni lakini amejifunza kuwa maisha ya wanyama yamemshangaza mno.
“Huku duniani tunasema ni ulimwengu
wa binadamu, kumbe mbugani pia kuna ulimwengu wa wanyama ambao una mambo mengi
makubwa na mazito pale unapoyafuatilia tu.”
Usafiri waliopanda
uliendeshwa na dereva mmoja makini mno, alipokea maelekezo kutoka kwa mwongozaji
wa watalii kuhusu njia ya kupita. Wanachuo hao macho yao kwanza yalikutana na
Tembo ambao hawakuwa na shida kwao.Walielekezwa kwa mwendo kidogo huko walikutana
na simba waliopumzika.
Wananchuo hao walipotoka
hapo walikwenda umbali mrefu na wakawaona mamaba kadhaa waliokuwa katika bwawa
moja ambao ilibainika kuwa kulikuwa na kama bonde ambalo maji yalikuwa yakikimbia
kwa kasi mno nao mamba walikaa katikati ya kona hiyo naye mwongazaji wa watalii
akisema,
“Mamba amekaa hapo akiwakamata
kambale kadhaa wanaotoka katika maji hayo na kuwala, mamba yule ambaye mdomo wake
ulikuwa wazi pengine hufunga na kumeza wadudu wote waliopo humo na wkati mwingine
wadudu na ndege wanaotua katika mdomo huwa wanamtoa kumsaidia kuwa kama vijiti vya
kutoa uchafu katika meno ya mnyama .
Safari ya Hifadhi
ya Senrengeti ilielekea upande wa pili ambapo kulikuwa na mto mmoja ambao
ulikuwa umepungua maji huku yakionekana magogo meusi yaliyolala katika maji,
hapo mwongozaji wa watalii hao wa ndani alisema kuwa hayo si magogo bali ni
viboko na kweli mara baada ya dakika kadhaa viboko hao wakaanza kupiga kelele.
Huku mwongozaji akijibu kuwa hapo kiboko mkubwa anawajulisha wenzake kuwa wawe
tayari kwa chochote kile maana kando yu adui.
Mara walitokea
viboko wawili jike na dume toka upande wa pili wa mto ambapo mwongozaji watalii
alisema walitoka kula majani .
“Kama ilivyo duniani watu wawili wawili
yaani mke na mume kila mmoja na wake na hata katika ulimwengu wa wanyama mambo
ni wawili wawili. Jamani na ndiyo maana hata mimi nilimchagua mwongozaji awe
jirani yangu katika kutalii mbuga hii maana nilivutiwa na utanashati wake.
Nawaomba mpunguze maswali msimchoshe sana.”
Hayo yalisemwa
na mwanachuo mmoja wa kike ambaye alikuwa jirani na mwongozaji watalii huku
wanachuo wengine wakishangilia maneno haya ya utani ndani ya Hifadhi ya
Serengeti.
Hadi jua linazama
la Mei 27, 2023 wanachuo hao walikuwa wameshazunguka sehemu kubwa ya hifadhi
hii wakiwaona Tembo, Twiga, Swala, Mamba , Nyumbu, Pundamilia , Nguruwe Pori na
wanyama wengine ambao ni utajiri mkubwa wa Hifadhi ya Serengeti
0717649257
Post a Comment