KARIBU UONE VYURA WALIOHAMA NA WAPOGOLO

 

Adeladius Makwega MWANZA

Mwanakwetu jioni ya Novemba 9, 2023 ametembelea ukurasa wa Instagram wa Mbunge wa Malinyi mhe. Antipas Zeno Mngungusi na kumkakagua mheshimiwa huyu. Safari ya ukaguzi wa kurasa wa kiongozi huyu wa watu katika Jimbo hilo lililopo katika mkoa wa Morogoro ilikuwa ndefu mno.

Huku akikutana na kazi kadhaa za mheshimiwa huyu alizofanya kwa wananchi hao wa Malinyi.

“Wananchi wa kijiji SOFI MAJIJI akiomba kwa Mbunge, mabasi ya abiria toka Dar na Moro, yaingie ndani Senta ya kijiji, kinyume na sasa, yanapita nje, ambapo abiria hulazimika kukodi pikipiki .”

Mwanakwetu aliona majibu ya Mbunge Mngungusi,

“Jambo hili nimelipokea NINAWAAHIDI LITAFANYIKA KAZI MARA MOJA kama mlivyoomba. Nawasiliana na Viongozi wenzangu wa Serikali.”

Mwanakwetu akawa anaendelea kupitia ukurasa huo wa kiongozi huyu na kukutana na picha moja ya mheshimiwa huyu akikagua barabara inayojengwa, huku mafundi hao wakiwa kazini.

Mwanakwetu aliendelea kuukagua ukurasa huo alafu akakutana na picha moja ya Waziri Mkuu wa Jamhuri ya Muungano wa Tanzania Kassimu Majaliwa akitetea jambo na mhe. Mnungusi .

 Kwa hakika hapo Mwanakwetu akasema,

“Yapo mambo mengi yenye mfanano baina Lindi na Morogoro, hasa hasa upande wa Ulanga na Malinyi.”

Mwanakwetu akasema moyoni kwa kuwa Waziri Mkuu ni mzaliwa wa Lindi anayefahamu mengi juu ya Lindi na Morogoro, hapo hoja zitapata majibu tu.

Mwanakwetu anaendelea kuukagua ukurasa wa Instagram wa mhe Antipas Mngungusi, mbele kidogo akakutana na picha moja ya mheshimiwa huyu akishiriki mashindano ya mbio huko Zanzibar .

Hapo hapo Mwanakweu akakumbuka kuwa mheshimiwa huyu ni mpenda michezo wa miaka mingi, siyo leo tangu miaka mingi nyuma.

Mwanakwetu akasema kumbe mheshimiwa huyu bado ni mwanamichezo.

Mwanakwetu akaendelea kuupakua ukurasa huu wa Instagram wa mheshimiwa huyu na hapo hapo akakutana na maneno haya.

“Hongera sana Mwanafunzi wangu wa Kamba Mhe. Bahati Ndingo...”

Mwanakwetu akawa anajiuliza, huyu Bahati Ndingo ni nani? Hivyo alianza kumsaka kwa kina na hapo hapo Instagram.

“Leo nimeapa kuwa mtumishi wa wananchi wa Mbarali, ee Mwenyezi Mungu nisaidie.”

Mwanakwetu akafahamu kuwa mheshimiwa huyu kumbe ndiye mbunge mpya wa Mbarali katika uchaguzi uliofanyika hivi karibuni.

Mwanakwetu akasema moyoni kama mhe. Bahati Ndingo anafundishwa kuruka kamba na mbunge wa kwetu Malinyi Morogoro mhe Antipas Mngungusi basi tunamuomba amualike mhe. Bahati Ndingo aende kutembelea mkoa huo, hasa hasa Ulanga kule Mbangayao aone namna Vyura walivyohama na Wapogolo baada ya kuhamishwa alafu mhe. Bahati Ndingo aende Malinyi kwa mwalimu wake wa kuruka kamba.

Mwanakwetu upo

Mhe Bahati Ndingo Karibu Msitu wa Mbangayao Uone Vyura Waliohama na Wapogoro.

Nakutakia siku Njema.

makwadeladius@gmail.com

0717649257