Adeladius Makwega-MWANZA
Mwanakwetu hadi sasa ameshafundisha katika hatua nne za elimu;
Shule ya Msingi, Shule ya Sekondari, amesomesha Vyuo Vikuu na hatua nyingine ya
Elimu anaendelea kuifanyia kazi ambayo leo hii haitaji.
Katika hatua hizo nne za elimu siku ya Disemba 22 kuamkia
Disemba 23, 2023, Mwanakwetu alizikumbuka hatua mbili kwa namna ya kipekee
sana, upekee huo ulimshangaza mno Mwanakwetu, hivyo anaamua kuyatayarisha makala
haya kama heshima ya hatua hizo mbili za elimu.Mambo yalikuwa hivi, Mwanakwetu
alilala na kuota ndoto moja,
“Watoto wadogo kama wa Chekechea au Shule ya Msingi wanacheza,
mmojawapo alichimba shimo ambalo lilikuwa kama handaki lenye kina kifupi,
alipomaliza akaingia wenyewe alafu akaulaza mwili wake vizuri t na akawa anaujaza
udogo katika sehemu za mwili wake tangu miguuni hadi shingoni , hapo mikono
yake inafanya kazi hiyo. akabakiza sehemu ya kichwa na mikono , alipomaliza hivyo
akawa anaizamisha mikono yake katika handaki na kuanza na mkono wa kushoto na kumalizia
mkono wa kuume.”
Taswira hiyo ni ya ndotoni usiku wa kuamkia Disemba 23, 2023
, Mwanakwetu ndotoni na kando ya harakati za mtoto mchimba handaki anaona haya,
“Watoto wadogo wenzake wapo
katika makundi mawili wanacheza michezo yao, kundi la kwanza wanacheza KULA MBAKISHIE BABA na kundi la mwisho wanacheza BABA
KASEMA.”
Taswira hizo tatu; MTOTO
MCHIMBA HANDAKI, KULA MBAKISHIE BABA na
BABA KASEMA Mwanakwetu aliziona kwa mara ya mwisho mwaka 2003 akiwa mwalimu
wa Shule ya Kimataifa ya Dar es Salaam, akifundisha KISWAHILI, huku Mwanakwetu
akiwakumbuka wanafunzi watatu wa shule hiyo wakati huo Daniel Kishimba(Grade 7)
Susana(Grade 7), Masamba Masamba (Grade 4) na Upendo Kisai(Chekechei). Haya
Mwanakwetu anayakumbuka sasa wakati anaandika makala haya.
Katika kundi hilo la wanafunzi wanne Kisimba, Susana, Masamba
na Kisai , huyu Upendo Kisai alikuwa mtoto sana hawezi kumkumbuka Mwanakwetu
lakini Kishimba, Susana na Masamba wanawasiliana sana na Mwanakwetu.
“Mr Makwega ulikuwa unapenda sana kusema , Msome , Msiposoma Mtafeli.”
Susana anamwambie Mwanakwetu kila mara akikutana naye.
Mwanakwetu ndotoni akamtazama yule mtoto mchimba handaki aliyejifukia
kwa mchanga, akawauliza wale watoto, nyinyi vipi mbona mnamuacha mtoto mwenzenu
anacheza mchezo huo hatari?
“Huyu anacheza mchezo
wa kufa , kesha kufa huyu achana nae.”
Mwanakwetu yupo ndotoni akasema kwa
sauti,
“Nyie watoto acheni ujinga , hapo mnamchokoza jaji, hapo
mnaichokoza mahakama atatufunga sote, ebu tumuokoa huyu mtoto haraka.”
Watoto hawa wakawa wanacheka, huku
wakisema,
“Mzee watoto huwa hatufungwi
, wanafungwa wakubwa tu.”
Mwanakwetu akajibu
zipo mahakama za watoto, hapo hapo na wale watoto na Mwanakwetu wakaanza kufukua
udongo aliyojikandika mtoto huyu, kumbe ule udongo ulikuwa sasa unaibua maji na
maji yalikuwa yanakaribia katika shingo, hapo mtoto huyu kumbe alikuwa katika hali
mbaya anahema vibaya , wenzake hawajui
wakidhani wakidhani mwezao anacheza.
Kazi ya kumuokoa mtoto
huyu ilifanyika na kumtoa katika shimo lile, huyu bwana mdogo alipookolewa alichomoka
mbio kukimbilia nyumbani kwao akiwa salama.
Kumbuka msomaji wangu
hapo Mwanakwetu yupo ndotoni, akawaambia wale watoto wadogo msicheze michezo
hatari.
Hapo Hapo gafla
Mwanakwetu akashituka ndotoni, akashangazwa na ndoto ile hapo ndipo akakumbuka
hatua zote alizosomesha maishani mwake.
Sasa Mwanakweu akamkumbuka
mwanafunzii wake mmoja aliyemsomesha hatua ya Elimu ya Sekondari sasa ni mwanazuoni,
bado kijana mdogo sana.Akamtafuta usiku huo huo, akazungumza naye, wakafanya
tafsiri ya ndoto hiyo usiku wa manane , baadaye huyu msomi akamwambia
Mwanakwetu maneno haya,
“Nyie Chama Cha Mapinduzi(CCM) mna
shida kubwa, haya Mwalimu nakwambia uwaambie wanachama wenzako, nyie mnasema Anaupiga Mwingi wengine wanasema Anaupiga Mchache. Kama anaupigwa mwingi
mbona wachezaji wachache? Ukipigwa mwingi wachezaji ni wengi.Mimi nawaambia
2025 kama wananihitaji kufanya nao kazi , pesa yangu waliniweke katika akaunti
yangu mapema ndipo nitafanya nao kazi siyo kama nilivyofanya nao kazi 2020.”
Mwanakwetu akamwambia mwanafunzi
wake, hata katika soka, huyu Mbwana Samatta akiupiga mwingi wachezaji ni 22 na
refa na wasaidizi wake jumla kuu ni 25,
wengine mnabaki watazamaji.
“Tunasikia mnasema Ooo Anatosha Sana, sawa anatosha sana , hilo jambo zuri na nyinyi mshampima anatosha
na sisi tupeni nafasi ya kupima kama anatosha au la. Ohh Mitano Tena, sawa mitano tena, lakini ipi mitano iliyopita au
mitano ijayo”
Hapo Mwanakwetu
anacheka kwa mazungumzo hayo na mwanafunzi wake, kumbuka yote haya yamekuja
baada ya kuomba tafsiri ya ndoto.
“Mwalimu sisi tunashangaa
kila mnapotoa mikeka yenu, wanaokuwemo katika mikeka hiyo, muda mfupi mikeka yao
inachanika. Mtu anakaa kidogo mara mkeka umechanika. Mikeka mingine haichaniki,
hivi sasa mkeka wa Daniel Chongolo umechanika. Mwalimu waambe mimi ninabaki
katika KIGODA maana vigoda vyetu havichanikagi, nyie endeleeni na mikeka yenu.”
Mwanakwetu aliendelea
kucheka kwa maneno hayo na baadaye kuagana na mwanafunzi wake huyo wa sekondari
, huku kibindoni akiwa kwanza na tafsri ya ndoto ile ya wale watoto waliokuwa wanacheza
na vicheko hivyo
Kumbuka tu msomaji wangu,
“Mikeka yenu inachanika,
sisi tunabakia katika vigoda vyetu.”
Mwanakwetu Upo ?
Nakutakia Siku NJema.
0717649257
Post a Comment